स्टार प्रवाह वाहिनीवरील सर्वात लोकप्रिय मालिका म्हणजे आई कुठे काय करते. या मालिकेला प्रेक्षकांची सर्वात जास्त पसंती दर्शवली जात आहे. यातील अनिरुद्ध देशमुख हे पात्र अभिनेता मिलिंद गवळी यांनी साकारले आहे. ही भूमिका नकारात्मक असून मिलिंद यांनी ती उत्तमरीत्या साकारली आहे. मिलिंद यांनी बऱ्याच चित्रपटांमध्ये कामे केली आहेत. मिलिंद यांचा चाहतावर्ग देखील खूप मोठा आहे.
मिलिंद यांची लेकीचे नाव मिथिला असे आहे. वडिलांच्या पाऊलावर पाऊल न ठेवता तिने तिचा एक वेगळा मार्ग निवडला आहे. तिला अभिनय क्षेत्रात रस नाही. मिथिलानं दिग्विजय कदमसोबत लग्नगाठ बांधली. लग्नानंतर मिथिलानं आपल्या नृत्याची आवड जोपासली आणि नृत्याचे क्लासेस सुरु केले. ती एक प्रोफेशनल ट्रेनर देखील आहे. मिलिंद यांना तिने हे वेगळं क्षेत्र निवडल्याबाबत अभिमान आहेच.
View this post on Instagram
मिलिंद सोशल मीडियावर बरेच सक्रिय असतात. यावर ते सतत त्यांचे फोटो, व्हिडिओ शेअर करत असतात. त्यांनी त्यांच्या लाडक्या मुलीच्या कौतुकात एक पोस्ट लिहिली आहे. त्यात त्यांनी म्हटले आहे की, ” होय मी स्वतःला एक अभिमानी पिता मानतो. कारण कोणता व्यवसाय निवडायचा या प्रश्नावर माझ्या मुलीचे उत्तर होते “फिटनेस ट्रेनर”
जेव्हा मिथिलानं हा व्यवसाय करायचं ठरवले तेव्हा मला खरोखरच खूप आश्चर्य वाटले. तिच्या समर्पण आणि कठोर परिश्रमाने तिने मला खूप आश्चर्य केले. तिची कामाप्रती उत्साही, समर्पित आणि मेहनती भावना पाहून खरंच अभिमान वाटतो. माझ्या घरातच माझे प्रेरणास्थान असल्याने बाहेर शोधण्याची गरज नाही. दोन पिढ्यांकडून ही प्रेरणा मिळाल्याबद्दल मी खूप भाग्यवान आहे. माझी भूतकाळातील पिढी म्हणजे माझे वडील श्रीराम गवळी अजूनही माझ्यापेक्षा जास्त मेहनत करतात. आणि माझी पुढची पिढी म्हणजे माझी मुले मिथिला आणि दिग्विजय हे स्वयंप्रेरित आहेत, मी त्यांच्यावर खूप प्रेम करतो. आणि प्रेरणा दिल्याबद्दल त्यांचे आभार. माझ्या मुलांनो तुम्हाला खूप प्रेम आणि आशीर्वाद.
